سفير الثقافة

ليت في غيابك ما احس بغيابك
صوتك غدى رحمه علي من عذابك
يامعذبني شيفيد مثلك شقاتي
واليوم انا دقيت بالجرح بابك
جيت ارتجيك الموت واعاين وصاتي
القلب قلبك دامه القلب شابك
والعين عينك بالغلا لاتحاتي
خذ عمري جعله فخير يطول شبابك
خذ ابتسامه تحتضر في شفاتي
من اول الطعنات حبيت وفاؤك
منك استلذ الموت واكره وشاتي
قلبي غدى شمعه تصارع ضبابك
غرقان امراجك تهدا امنياتي
حلمي تبعثر في دروب اغترابك
وانا على حلمي ذرفت عبراتي
ذكرى حياتي حلقت في سحابك
يوم انتهى حبي وهانت غلاتي
ماظنتي في فراقنا الحزن صابك
مثلي انا احزاني غدى من صفاتي
هذي نهايه قلب حر اعتز بك
هذي بقايا قصه من حياتي
ضحيت باحلامي وعشت فسرابك
ماخذت من حبك سوى حطام ذاتي
قصه اليمه في فصول التشابك
هانت ع قلبك وانطوت مع رفاتي
حلمي بدى بك وانتهى بك
واصبح حضورك في مثابه عزاتي...